انا خبز الصباح كوليني

[michel]

السلام ال النقي الزكي


خادك مني لعدو الكافر وانت نية


انا خبز الصباح كوليني
انا حليب البقرة شربيني
انت نجمة الليل يالله ضويني
انت شمس النهار لا تشويني

خادك مني لعدو الكافر وانت نية
فيقي من نعاسك يا لهايمة يا لبنية

راه راه والغوث وراه راه كذاب
ملو حبيبة ومالو حتى الصحاب

عليه ربي سد البيبان المرسية
وانت مولات لفجر يا المهدية

هزي عينك يا العابدة في الليل في السما
تشوفيني نروي كلامي ولا تقولي حتى كلما

ناديتك و نادت معايا في لبحور لمواج
ما بغيت منك لا مال ولاخبز ولا زواج

تمنيت الله يريك حالي ولو في لمنام
وغدا تقولي لي في الصباح السلام

انا حطب المحبة وانت في لبعاد شادة لوقيدة
لا تحرقيني يالحنينة و تبقاي بحال الطريدة

طلبيني نقرصك في دراعك الى كنتي غافلة
يا اجالباني بي لهيام يا ساحراني يا السالبة

شوفي من حالي وانت في القبلة زاهدة تصلي
وادعي ليك وليا للخالق لقلوب سيدي ربي


michel
يوم 13/04/2013
العربي زاهور
الساعة 4 بعذ الضهر

[السور الاعظم]

جميل جدا هذا الكلام ومعبر جدا وتشعر انه فعلا نابع من القلب --شكرا لك اخي ميشيل ابدعت