هذا القيادة والعز والارادة ومعنى الشهادة في دربه الغالي
حيدر وطنة ما نتخلى عنة بس كلمة منة ثورة ولا نبالي
علي اول صوت للثورة يهدينا ما يهمنا الموت واحنة على دينة
هذا الي راياتة كتبت رواياته تاريخة معلم غير محدوث
روح النبي روحة اكبر من جروحة وجروحة مو دم نازفة ورود
من راسة كل قطرة ثارت الف ثورة وكالت علي ياناس موجود
مافارك احبابة بس قصة غيابة مثل الشمس ترتاح وتعود
طرز حياتة بسندس تضحياتة ومن توصياتة لا ترضى بالغاشم
لو حد يقتلك بس لا احد يذلك انت ويا اهلك ثورو على الظالم
علي جنة ونار اتريدة متريدة يدعي للثوار والخاتمة بيدة
هذا الوطن والدم وبخطة ما تندم خط الكرامة وين ماكان
والمفتقد حاجة يحتاجة يحتاجة الشوك يلمسة يصير ريحان
مهما اختلف حبك كل حب يذل كلبك بس حب علي يخليك سلطان
غالي العمر كلة مايرضى الك ذلة مايرضى يوم عليك تنهان
اعطى ظمانة لليطلب امانة وكال بلسانة يلي تحي ثوراتي
لا يظعفونك صون الحق يصونك لو يسجنونك اصمت ولا تحاتي
علي كلمة وحروف خط اسمة بعروكة ناصر المظلوم يسترجع حكوكة
هذا الي قلع خيبر تستاهل بحيدر مو صعبة يدحي الباب مرات
والسر في ايمانة مو بس بذرعانة من عينة للتوجيه نظرات
في ثورتك رزقك والثورة من حقك مو ثورة لو تحتاج ثورات
المطرة من تطلع ما تأيس وترجع وتحفر صخر لاتقول قطرات
ياثاير اسمع حكمة وحكمة واجمع وبحيدر اقنع حاربها لو سالم
حيدر يكلك العز والشرف الك مو بلي تملك بس بلي تمنحة العالم
علي رفعة راس لو سامح بكيفة كلبة سامح ناس تركع على سيفة
هذا الي عشاكة لعيونة مشتاقة ما عشقو الي ما يضحون
يوم التطلبوني كلمة من عيوني معناها اهدي العين وتهون
والي فقد عينة ودمعة على خدينة يذكر علي وتعود العيون
وهذا النظر كلة فدوة النواظرلة بيه البصر والشوف مظمون
يلي علمتنة والحب الهمتنة لو متنة متنة بس انت متواجد
بعدك نخافة خصمك ما نخافة رغم المسافة نعتبرك القائد
علي كلنة وياك عالحلوة والمرة مانهاب اعداء ربك والثورة منتصرة
اقول السلام عليكم ورحمة الله وبركاته مولاي وجئتكم ببضاعة مزجاة .. فمن يشتري مني .. او يوفي لي الكيل .. او يتصدق علي ان الله يحب المتصدقين.
