منتديات الحكمة

السلام عليكم اخواني
متل ما بين العنوان واضح بواجه مشكله ببيتي مع النمل
بكون منظفه المطبخ وبحط اشي اكله مافي ثواني الا بلئاه معبي نمل ^5%#
ع البهار ع الملح ع الغسيل ع مسحوق الغسيل كل مكان معبى

حتى بالتواليت بعد كا انظفه بفترة بلاقيه معبى نمل

والله بيتي نظيف ومافي شي ليجي عليه بهالكميه الرهيبه

من شهر دهنا البيت كمان والريحه تبعت الدهان بتقتل انا مو مستحملتها

ولسى في نمل وبكثافه
زرع بالبيت ماعندي نهائيآ... :roll:

شو ممكن يكون السبب وكيف فيني ارتاح منه
اقسم بالله سرت اقرف والاكل ازا شفت عليه نمل بكبه الله يسامحني

سألت مرة حكولي ناس رزقه

وناس حكولي عين ومن هالحكي

بسم الله شو دخل النمل في الرزق او العين لاقدر الله

ساعدوني بالحل ازا بتعرفوا وبكون ممنونتكم وبحيطكم علم اخوتي
ادويه حشرات مابقدر استعملها لاني حامل

ابنتي هبة الرحمن
الله يكمل حبلك على خير وسلامه
انا برش كمون مطحون في كل محل فيه نمل
او برش ديتول
واذا زي ما قلتي كتير موجود بالبيت حطي الكمون بالماء وصفيه
وحطيه بالبخاخ ورشي كل البيت وان شاء الله بيروح
انا عندي بالبيت بس مو كتير بيروح وبيرجع ودايما برشه بالكمون
جربي وخبريني اذا سمحت

الله يسعدك ويوفقك اختى ياسمين

مهو المصيبه حتى ع البهار والكمون بيجي

سرت اقرف من الاكل
وبالغرف كمان موجود وبيجي علينا واحنا نايمين وبقرصنا بخاف بكرة يجي ع الولد
بس راح اجرب احط الكمون حب والا مطحون وربي يجزاكي الف خير ويعطيكي الصحه اختى يارب تنحل مشكلتك ومشكلتي
راح اخبرك ان شاء الله

كيفك أُم سليمان و شو اخبارك ، ان شاء الله كل شي ممتاز
يا اختي الموضوع ما بدو حيرة و الحل كثيييييييير سهل ، بنعرف كلنا انه النمل بيحب و بيتجمع على الحلو ، وانتي يا هبة كثييييييير حلوة لذلك النمل ما بيقدر يفارق بيتك فلا تقطعي برزق النمل ، انا هاذا ( هاظ ) تفسيري هههههههه
الله يسعدك دائما و يريح بالك و يفرحك بسليمان انتي و أبوه
مودتي

وانا انتضر الحل مثلكي #"6^#

طريق السمسم

يوضع السمسم في اناء مكشوف بالقرب من تجمع النمل حيث له القدرة على تعطيل حاسة الشم لدى النمل والتي يعتمد عليها في الحصول على الغذاء.

طريقه اخرى
التخلص من النمل عن طريق الخل

يوضع الخل في بخاخة ثم يرش رذاذ الخل على مداخل النمل ويرش على مكان سيره وفي الأماكن التي قد يتواجد بها كالمطبخ وحول الأبواب والنوافذ وتكرر هذه العملية أكثر من مرة في كل مرة ستلاحظ أن النمل يقل حتى يعلم أنه غير مرحب به