أهل الأحساء بشكل مفصل أحم أحم

[الروح المجرده]

السلام عليكم

تعالووووووو شوفوا شالمدح الي مادحينه فينا احنا الحساويه...
صج لنا فخر
تفظلو.. ..


والله ونعم فيكم يا اهل الأحساء
ايـش عليكم .. يا الحســــــــاويه..
يا مهندسين …. أو مدرسين.. او رتب في .. العسكريه ..
والسيارات ... تموتون .. في الكابرس..
بشرط .. بيضه من بره .. ومن .. داخل .. عنابيه ..
ايش عليكم .. يا الحســـــــــاويه ..
عندكم ... عين ام سبعه.. عندكم ... عين الجوهريه ..
عندكم .. جبل قاره .. مع .. سوق ..
القيصريه ..
وكلامكم .. تمطونه .. مط ..
صاير مميز .. وله .. نغمه .. موسيقيه ..
ايش عليكم .. يا الحســــــــاويه ..
في .. اعراسكم .. تحبون ... العنيه ..
البنت مهرها .. اربعين .. والثيب.... بعشرين.. وشويه ..
وعمتك ... وعساها .. ما حبتك...
واجب ... تحب راسها ... وقت .. الصباحيه ..
ايش عليكم .. يا
الحســــــــاويه ..
حريمكم .. اما .. معلمه .. أو .. جامعيه ..
توفر .. لك .. القرش .. تحطهم .. في ... جمعيه..
وتعينك .. يشهد الله .... ما هي .. رديه ..
ايش عليكم .. يا الحســــــــاويه ..
فيكم .. صفات الطيب .. و ناساً اجتماعيه ..
فيكم... كريم النفس.. و فيكم .. قوي .. الشخصيه ..
وصدقوني .. لو ادور .. كل السعوديه ..
ما راح .. القى مثلكم .. يالحساويه ..
ايش عليكم .. يا الحســــــــاويه

******
كيف تعرف الحساوي؟؟

-1 اذا صلى الفرض وانتهى من صلاته... وانتهى من التسبيح التفت على اللى في
يمينه وسلم عليهم والتفت على اللى في شماله
وسلم عليهم
-2 اذا شافك وقابلك في الطريق سلم عليك سواء كان يعرفك او ما يعرفك
-3 اذا جاورته ما لقيت من وراه اذيه , يعني ارقد وآمن
-4 تلاقيه بسيط , طبيعي , سموح , وسيع صدر , وعلى نياته
-5اذا طق عليك الباب عطاك سله فيها ارطب خلاص او غر واذا جى وقت الصرام ما
نساك من التمر الزين
-6تلاقيه غارس في بيته فسيله وتشوفه مهتم فيها بنفسه
-7 تلاقي عنده سيارتين , الاولى كابرس يروح عليها الشغل , والثانيه سوبر حق
طريق مكه
-8 تلاقي طموح ابناءه اذا تخرجوا من الجامعه انهم اما يصيرون مدرسين في
الحكومه او مهندسين , وازيدك من الشعر بيت .. كل واحد منهم
يبي يتزوج مدرسه ويسكن في شقه لحاله
-9 اجتماعي من الطراز الاول , يعني ما تمل من سوالفه
-10 يزعل لكن قلبه ابيض بسرعه ينسى وعلشان كذا ما تلاقيه حقود .. واذا كان
حقود يعنى شاذ عن القاعده
-11 اذا شاف شي غريب
اول مره يشوفه او يسمع فيه .. قال .. الله شذاذاااا ..
-12 اذا قلت له... على كيفك... رد عليك وقال... ما يحصل
-13اذا جاء شهر رمضان طق عليك الباب وعطاك صحن هريس من طبخ ام عياله وتلاقيها
متنغصته حق زوجتك
-14 اذا طلع تقاعد... تلاقي طموحه عماره في الخبر او الدمام... ومزرعه في
الحسا فيها بركه سباحه .. وتنور حق المندي
-15 يخاف من العين .. علشان كذا تلاقيه يقول لك .. قول ما شاء الله
> -16 اذا كان ساكن في الدمام , الخبر , الظهران , الجبيل او اي مدينه اخرى ,
وجا ء يوم الاربعاء حرك ونزل الحسا , و فوق كذا يحب يقضي العيد يم اهله
وجماعته هناك..
-17 ما ينساك في العزايم والمناسبات , يعرف الاصول وكريم
-18 اذا شميت ريحة المشموم ' الريحان ' في بيتك اعرف ان زوجته كانت تزور
زوجتك
-19 يستانس وينبسط الى من شاف له ناس من اهل الأحساء

هذا أحنا الحساوية :lol:

الله يستر من الردووود

[سمير العاشقي]

والله والنعم

[الطالبي]

والله والنعم .....

ياعل ماخلا ........

وماهوبنقص بالي مثلهم وشرواهم ....

واشتبي نقول غيرها .......................؟!!!!!!!!!!

[الروح المجرده]

الله يسلمكم

والله أحرجتوني 8)

[الحنوبية]

والنعم فيك وفي اهل الأحساءا...
ارفع راسك انت حساوي

[الملاك الابيض]

وعليكم السلام

قول ماشاء الله عليهم ويبخت من خذ منهم

يالحساوي نسيت في طلعات البر والرحلات ماينسون الحب والشاي ويضيفون غيرهم
حتى لو مايبي :lol: ...غصب عن عينه

تسلم على هذه اللفته الجميله :arrow:

عرفت تنقي :P


اختكم ملاك الليل

[( صخب أنثى )]

والنعم بأهل الأحساء 00 لاخلا ولا عدم منكم كلكم شكلي بنظلكم يالروح المجردة بعد الصفات القياسية هاذي :lol:
النظل = الحسد عند أهل الأحساء :lol:
شرايكم بس بالترجمة الفورية 8)

[الروح المجرده]

هلابكم حبايبي والله وعلى راسي من فوق
وشكرا على مروركم
غاليتي الحنوبية
وغاليتي الطيف الأبيض
وغاليتي صخب أنثى
وصحيح خوش ترجمه أجل خلاص مواضيعي الجايه كلها باللهجة الحساوية والله يعينك ياصخب أنثى تترجمي الكلام :lol:

جعلكم الله من أسعد الناس
وفرج كروبكم وقضى حوائجكم بمحمد وآله الأطهار

[ام الانصار]

وانا اشهد انه اهل الحساء اهل الطيب والكرم عندي منهم زميلات في المدرسة
عندنا منهم معارف تربطنا بهم علاقة حميمةجداّ
طيبين وبسيطين ومتعاوين بس اللي اعرفهم ماياكلوا حب
اجل يالروح المجردة ماسمعتي انشودة صلاح الرمضان انا الحساوي وافتحر بين البرية

حاولت احطها بطريقة ادراج ملف صوتي بس ماعرفت
بس بحاول [stream]انا الحساوي[/stream]